Bo‘limning maqsadi: Akademiyada o‘quv jarayonini tashkillashtirish va muvofiqlashtirish hamda ta’lim sifatini oshirish choralarini ko‘rishdan iborat.

Bo‘limning vazifalari:

“Yong‘in xavfsizligi” va “Texnosfera xavfsizligi” mutaxassisliklari uchun namunaviy o‘quv rejalari asosida ishchi o‘quv rejalarining ishlab chiqilishini tashkillashtirish;

namunaviy o‘quv dasturlari, fanlar bo‘yicha ishlab chiqilgan ishchi o‘quv dasturlarni mutaxassisliklar bo‘yicha malaka talablari va namunaviy o‘quv rejalariga muvofiqligini ta’minlash;

o‘quv ishlarini zamonaviy pedagogik va tashkiliy talablarga javob beruvchi kompleks va maqsadli tarzda rejalashtirish va dars jadvallarini (dars mashg‘ulotlarini ilmiy va metodik jihatdan asoslangan o‘zaro aloqadorlik hamda mantiqiy ketma-ketlikda) tuzish;

o‘qitiladigan mutaxassisliklar bo‘yicha oliy ma’lumotli mutaxassis kadrlar tayyorlash, ta’limning fan va ishlab chiqarish bilan integratsiyasi mexanizmlarini ishlab chiqish va amaliyotga joriy etish;

kursantlarning bilimini nazorat qilish va baholash reyting tizimi to‘g‘risidagi Nizom asosida nazorat turlarini, fanlar bo‘yicha Yakuniy davlat attestatsiyalarni hamda bitiruv (malakaviy) ishi himoyasini tashkillashtirish;

kursantlarning intellektual bilimlarini yanada oshirish, bilimdon, zakovatli, ijodkor, madaniyatli va zamonaviy fikrlaydigan yangi avlod kadrlari sifatida shakllantirish maqsadida, ma’naviy-ma’rifiy tadbirlarni tashkillashtirish;

professor-o‘qituvchilari tarkibining kasbiy mahoratlarini oshirishlari uchun sharoit yaratish, o‘quv yili davomida professor-o‘qituvchilar faoliyatining monitoringini olib borish va yakunida ularning reytingini xolis va odilona aniqlashni tashkil etish.

Bo‘limning funksiyalari:

Bo‘lim pedagogik va ilmiy jarayonlar sifatini ta’minlash, yuqori nazariy va kasbiy o‘quv, o‘quv-uslubiy va ilmiy tadqiqot ishlarini amalga oshirish;

o‘quv jarayoniga o‘qitishning zamonaviy shakl va uslublarini, pedagogika va axborot kommunikatsiya texnologiyalari, masofadan o‘qitish tizimini keng joriy etish;

Akademiya professor-o‘qituvchilar tarkibini to‘g‘ri tanlash, taqsimlash, joy-joyiga qo‘yish, ilmiy pedagogik malakalarini oshirishni tashkillashtirish;

professor-o‘qituvchilarning o‘quv yuklamalari taqsimotini tahlil qilish;

professor-o‘qituvchilarning faoliyatini baholash reytingi bo‘yicha tahliliy ma’lumotlar tayyorlash;

kursantlarni ilmiy faoliyatga jalb etish, ularning mustaqil ijodiy ish bilan shug‘ullanishlari uchun zaruriy sharoitlar yaratish;

o‘quv rejasi va o‘quv jarayoni jadvaliga asosan barcha turdagi amaliyotlarni belgilangan muddatlarda o‘tkazilishini tashkil etish;

Yakuniy davlat attestatsiyasi sinovlari dasturlarini ishlab chiqish, o‘rnatilgan tartibda tasdiqlatish;

o‘quv yili yakuni bo‘yicha Favqulodda vaziyatlar vazirining “Amir Temur” nomidagi stipendiyasi tanlovini o‘tkazish kabi asosiy funksiyalarni bajaradi.

BO‘LIM FAOLIYATI

Bo‘lim Akademiyaning o‘quv jarayonini tashkil etish va boshqarishning asosiy organi hisoblanadi. Bo‘lim o‘z faoliyatini Akademiyaning kafedralari, tarkibiy bo‘lim, bo‘linmalari va saf qismi o‘quv kurslari bilan hamkorlikda tashkillashtiradi.

Shuningdek, bo‘lim Favqulodda vaziyatlar vazirligi tizimiga mutaxassislar tayyorlashda kafedralar hamda bo‘limlar faoliyatini muvofiqlashtirish, ta’lim jarayonini rejalashtirish va nazorat qilishni hamda Akademiya kafedralari va boshqa oliy ta’lim muassasalari o‘quv jarayonini muntazam o‘rganib borish, ish tajribasini tahlil qilib, o‘qitishning zamonaviy innovatsion pedagogik texnologiyalarini ta’lim jarayoniga tatbiq etishni tashkillashtiradi.

Bundan tashqari, Akademiyada nazariy ta’lim bilan amaliyotni samarali integratsiyasini ta’minlash, Favqulodda vaziyatlar vazirligi tizimida amalga oshirilayotgan ijobiy ishlar, yangiliklar va muammolar bilan kursantlarni yaqindan tanishtirish, o‘quv-tarbiya jarayoni samaradorligini oshirish maqsadida sohaning yetakchi rahbarlari va xodimlari ishtirokida ishlab chiqarish maskanlarida Akademiya kursantlari bilan mashg‘ulotlar, uchrashuvlar tashkillashtirilmoqda.

Shu bilan birga, tajriba almashish va nazariyaning amaliyot bilan uyg‘unligini ta’minlash maqsadida Akademiya hamda Vazirlik Bosh boshqarma, boshqarma va hududiy favqulodda vaziyatlar boshqarmalari bilan ishlab chiqilgan qo‘shma rejasiga muvofiq Akademiya professor-o‘qituvchilari stajirovka o‘tashlari yo‘lga qo‘yilgan.

 “Ta’lim to‘g‘risida”gi O‘zbekiston Respublikasi Qonuniga muvofiq Akademiyada ta’lim-tarbiya tizimini takomillashtirish, professor-o‘qituvchilar tarkibi o‘rtasida sog‘lom raqobat muhitini shakllantirish negizida ta’lim-tarbiya tizimini izchil rivojlantirishni ta’minlash va o‘qitishning zamonaviy interaktiv metodlari bilan tanishish maqsadida Akademiyada “Master klasslar” o‘tkaziladi.

Bo‘limda yuritiladigan hujjatlar:

o‘quv jarayoni jadvali;

darslar, konsultatsiyalar, attestatsiyalar, darslarni pedagogik nazorat qilish va umumakademiya ochiq darslar jadvallari;

o‘quv guruhi kursantlarining o‘zlashtirishi va davomatini qayd etish jurnallari;

o‘quv fanlari bo‘yicha reyting qaydnomasi;

kursantlarning reyting daftarchasi yoki reytingni hisobga olish elektron tizimi (elektron jurnal);

kursantlarning o‘quv kartochkalari;

butun ta’lim davomida kursantlar tomonidan o‘quv rejasining bajarilishi natijalari haqida umumlashtiruvchi qaydnoma varaqasi;

o‘qituvchilarni o‘quv yuklamalari bo‘yicha reja va hisobotlari;

o‘quv jarayoniga doir yozishmalar.

HAMKORLIK

Bo‘limda amaliy organlar va boshqa oliy ta’lim muassasalari bilan aloqalarga alohida e’tibor qaratilgan, jumladan:

I.Karimov nomidagi Toshkent davlat texnika universiteti;

O‘zbekiston Davlat jahon tillari universiteti;

Ichki ishlar vazirligi Akademiyasi;

O‘zbekiston Respublikasi Jamoat xavfsizligi universiteti;

Toshkent kimyo-texnologiya instituti;

O‘zbekiston Respublikasi fanlar akademiyasi Umumiy va noorganik kimyo instituti;

O‘zbekiston Respublikasi Qurolli Kuchlari Akademiyasi;

Favqulodda vaziyatlar vazirligi Bosh boshqarma, boshqarma va hududiy favqulodda vaziyatlar boshqarmalari.

BO‘LIM FAOLIYATI NATIJALARI

“Yong‘in xavfsizligi” va “Texnosfera xavfsizligi” mutaxassisliklari uchun Oliy ta’limning davlat ta’lim standarti;

“Yong‘in xavfsizligi" mutaxassisligining “Yong‘in nazorati va profilaktika ishlarini tashkil qilish” va “Kasbiy tayyorgarlik, xizmat va yong‘in o‘chirishni tashkil qilish” ixtisosliklari malaka talablari va namunaviy o‘quv rejalari;

“Texnosfer xavfsizligi” mutaxassisligining “Sanoat va yong‘in xavfsizligi faoliyatini tashkil etish” ixtisosliklari bo‘yicha malaka talablari va namunaviy o‘quv rejalari.

Kafedraning maqsadi- kafedra fanlaridan kursantlarda umumiy o‘rta va o‘rta maxsus, kasb-hunar ta’limi bilan uzviylik hamda uzluksizlikni inobatga olgan  holda ixtisoslik fanlarini o‘rganish va chuqur egallash uchun zarur bo‘lgan fundamental umumkasbiy va umumilmiy bilimlarni, amaliy ko‘nikmalarni shakllantirish.

Kafedraning vazifasi-kafedra fanlaridan barcha turdagi dars mashg‘ulotlarini oliy ta’limning davlat standartlariga mos holda yuqori darajada o‘tkazish, kursantlarni mutaxasislik fanlarini chuqur o‘zlashtirishlariga zamin tayyorlash.

kafedraning funksiyalari

- davlat ta’lim standartiga muvofiq o‘quv mashg‘ulotlariga tayyorgarlik ko‘rish va uni o‘tkazish;

- o‘quv mashg‘ulotlarini o‘tkazish uchun o‘quv-uslubiy hujjatlarni ishlab chiqish, darslik va o‘quv qo‘llanmalarini tayyorlash hamda ularni nashr ettirish;

- dars jadvaliga asosan ma’ruza, amaliy, maskanga chiqish hamda laboratoriya mashg‘ulotlarini olib borish;

- kursant hamda tinglovchilarni o‘quv materiallarini o‘zlashtirish darajasini aniqlash maqsadida mavzuiy, oraliq va yakuniy nazorat baholashlaridan o‘tkazish;

- o‘quv jarayonini yuqori saviyada tashkillashtirish maqsadida o‘quv-uslubiy ishlar majmuasini ishlab chiqish;

- kafedra professor-o‘qituvchilarini Respublikaning yetakchi va turdosh Oliy ta’lim muassalarida malakasini oshirish hamda amaliy idoralarda stajirovka o‘tashini amalga oshirish;

- kafedra professor-o‘qituvchilarining falsafa doktori (PhD) hamda fan doktori (DcS) dissertatsiyalari, shu bilan bir qatorda dotsent hamda professor ilmiy unvonlari ustida ishlashi uchun zarur shart-sharoitlar yaratish;

- kafedra professor-o‘qituvchilari tomonidan turli ko‘rgazma, davra suhbatlari, seminar-treninglar, anjumanlar va konferensiyalarni tashkil qilishini hamda ishtirok etishini ta’minlash;

- Akademiya kursantlari bilan o‘quv-tarbiyaviy hamda murabbiylik ishlari bo‘yicha yillik ish rejalarida nazarda tutilgan tadbirlarda ishtirok etish.

KAFEDRA FAOLIYAT YURITAYOTGAN TOʻGARAKLAR

Kafedrada quyidagi fanlardan to‘garaklarda iqtidorli kursantlar bilan tadqiqot ishlari olib borilmoqda:

1.     Chizma geometriya va muhandislik grafikasi;

2.     Ekologiya;

3.     Amaliy mexanika;

4.     Issiqlik texnikasi;

5.     Materialshunoslik va konstruksion materiallar texnologiyasi;

6.     Mashina detallari;

7.     Yong‘in xavfsizligi iqtisodi;

8.     Qurilish chizmachiligi;

9.     Gidrogazodinamika;

10.           Xavfli tabiiy jarayonlar;

11.           Kimyo;

12.           Fizika;

13.           Oliy matematika;

14.           Informatika va axborot texnologiya;

15.           Texnosferada menejment va iqtisod.

KAFEDRA FAOLIYATI

Kafedrada professor-o‘qituvchilariga biriktirilgan fanlardan oliy ta’lim doirasida Favqulodda vaziyatlar vazirligi harbiy xizmatchilarini tayyorlash uchun Akademiya kursantlari bilan ma’ruza, amaliy va laboratoriya mashg‘ulotlari olib boriladi.

Mashg‘ulotlarni olib borishda zamonaviy o‘qitishning texnik vositalari va pedagogik texnologiyalardan samarali foydalaniladi.

Kafedrada xizmat faoliyati davomida ilmiy salohiyat, yuqori pedagogik tajribaga hamda yetarli amaliy tajribaga ega bo‘lgan professor-o‘qituvchilar bugungi kunda samarali faoliyat yuritib, kursantlarga o‘rnak bo‘lib kelmoqdalar. Shuningdek, kafedraning barcha professor-o‘qituvchilari tomonidan doimiy ravishda ilmiy izlanishlar olib borilishi va ilmiy ishlar natijalarining o‘quv jarayoniga keng joriy etilishi yo‘lga qo‘yilgan. Kafedraning “Kafedra fanlari bo‘yicha zamonaviy ilmiy-tadqiqot natijalarini favqulodda vaziyatlarni oldini olish va ularni bartaraf etishda qo‘llash” nomli Bosh ilmiy mavzusi yuzasidan professor-o‘qituvchilar tarkibi tomonidan olib borilgan ilmiy-tadqiqot ishlari natijalari muntazam ravishda ilmiy maqola va boshqa ishlanmalarda o‘z aksini topib kelmoqda.

KAFEDRADA YURITILADIGAN NORMATIV-HUQUQIY HUJJATLAR

1.O‘zbekiston Respublikasi Prezidentining Qaror va Farmonlari hamda Oʻzbekiston Respublikasining Qonunlari;

2.Namunaviy xizmat vazifalari asosida ishlab chiqilgan xodimlar va o‘quv-yordamchi tarkibning xizmat vazifalari;

3.Yillik ish rejalari;

4.Professor-o‘qituvchilarning shaxsiy ish rejalari;

5.Fan dasturi va ishchi o‘quv dasturlari;

6.Metodik (ish) rejalar;

7.Professor-o‘qituvchilarning navbatchilik jadvali;

8.Professor-o‘qituvchilarning o‘zaro o‘quv mashg‘ulotlariga qatnashish jadvali;

9.O‘quv mashg‘ulotlariga o‘zaro qatnashishni qayd etish jurnali;

10.Professor-o‘qituvchilarning mashg‘ulotlarini pedagogik nazorat qilish jadvali;

11.O‘quv mashg‘ulotlarini pedagogik nazorat natijalarini qayd qilish jurnali;

12.Fakultet, kafedralar ilmiy-to‘garak (jamiyat) ishini o‘quv yili uchun ish rejasi;

13.Nazorat ishlari, kurs loyihalariga taqrizlarni qayd etish jurnali;

14.O‘quv yuklamasi bajarilishini qayd etish jurnali;

15.Maslahat (konsul’tatsiya)larni qayd etish jurnali;

16.O‘qitiladigan fanlar bo‘yicha oraliq va yakuniy nazoratlarni o‘tkazish uchun metodik materiallar;

17.Kafedra yig‘ilishi bayonnomalari;

18.O‘quv yili uchun hisobot.

HAMKORLIK

Tajriba almashish va nazariyaning amaliyot bilan uyg‘unligini ta’minlash maqsadida quyidagi turdosh Oliy ta’lim muassasalari va amaliy idoralar bilan yaqin aloqalar yo‘lga qo‘yilgan bo‘lib, o‘zaro hamkorlik memorandumlari tuzilgan va samarali ishlar olib borilmoqda:

KAFEDRA FAOLIYATI NATIJALARI

Kafedra professor-o‘qituvchilar tomonidan hozirgi kunga kelib, 4 ta darslik, 12 ta o‘quv qo‘llanma, 35 dan ortiq boshqa o‘quv uslubiy adabiyotlar tayyorlangan. Shuningdek, xorijiy davlatlarda 23 ta, Respublika miqyosida 80 dan ortiq ilmiy va ilmiy-ommabop maqolalar chop etilgan. Kafedra professor-o‘qituvchilaridan 1 nafari fan doktori, 5 nafar fan nomzodi, 4 nafari falsafa doktori (PhD) ilmiy darajalari hamda 7 nafarida dotsent ilmiy unvonlari mavjud.

Kafedra professor o‘qituvchilari tomonidan 2023-2024-yillar davomida Bosh ilmiy mavzu bo‘yicha 2 ta darslik, 5 ta o‘quv qo‘llanma tayyorlandi. Mavzu doirasida 15 dan ortiq ilmiy va 30 dan ortiq ilmiy ommabop maqolalar chop etilgan. Shuningdek, 5 dan ortiq maketlar yaratilgan.